Esta versão está descontinuada.

Acesse novo site do portal Brasil Alemanha:

https://www.brasilalemanha.com.br

Colunistas

02/02/2018

Unser Hunsrik Proyekte fer 2018 - von Solange Hamester Jochann

Was sin unser neekste Proyekte?

1.Ich un Mabel Dewes hon xon tsayt 2007 en importante Tiploom kriit fon te Sociedade Internacional de Linguística, mit 380 xtune xtuutium, ekstra tas meyer kwalifikatsioon kewe khëne fer ti Hunsrik-Plat Taytx xprooch fer leerine. Tas mënt, Seminaare fer Leerine hale in mee xtet in te xermaanixe rechioone, fom siit Brasil, tas ti xprooch in ti xuule aan khomt fer ti khiner;

2.Tsayt 2012 sin meyer ti Piipel am iwersetse. Meyer sin kans froo fer aych aan saan tas meyer unser partnerxaft noch mool pextimt hon mit te Sociedade Bíblica do Brasil pis teetsëmper 2020, fer te Naye Testamënt iwersetse;

3.Meyer wole aach noch phaar picher puplitseere, Fer tas yoer, klaawe ich tas aus em pak oofe khome tuut tas puch “Mayn Liipste Kexichtcher II”, mit tswelef kexichtcher fon te Uniwersal Khiners Literatur, woo 12 leerine iwersetst hon iwich em Seminaar woo meyer in Estância Velha kehal hon un meyer, fom Proyekt Hunsrik, wole ti al orkaniseere un puplitseere als en puch;

4.Meyer mise titaktixe picher puplitseere fer leerine un xuule, tas unser xprooch kelërnt kewe khan. Unser xprooch hat khee xrift kehat. Tesweche kept es khee fërtiche titaktixe material. Tas puplitseyert kriin is en kroos hofnung fon unser Proyekt;

5. En anere plaan, filaycht in en tichte futur, is ti Hunsrik-Plat Taytx xprooch als khurs fer leerine in uniwersiteete in kextelt kriin. Tas yoo, is unsere kreeste traum.
Aarwat hon mer fiil, fer fiile yoore. Feele uns hilfer, woo sayn teel mache wole fer unser xprooch, woo xon 1.500 yoer alt is, leewent halt.

Xeene kruus aus Thee Walt.


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 



Comentários

deslogado
ahnan arfi 06/02/2018, às 06:42

ortunately, the folks at Vidmate are expanding their reach and have released a special version { Obat Kutil Kelamin Alami Obat Kutil Kelamin| Obat Kutil Obat Kutil Kelamin di apotik| Obat Kutil di apotik Obat Kutil Kelamin pria| Obat Kutil Kelamin wanita