Colunistas

24/02/2017

Tsurik in te Xuule - von Solange Hamester Johann*

In en kans kluuch frase, saat Albert Einstein: “Meyer mise imer traan tënke tas ales was mer in te xuule lërnt te resultaat is fon te aarwat fon fiile xeneratsioone. Nëm tii ërepxft aan, tuu se eere, tuu noch etwas tepay xtuteere un, en taach, mit fiteliteet, tepositeyer se in tayn khiner sayn hënt.”
Ti kroos xuul fom leewe is te liipe: ti aanforterung fom liipe fiire uns an kroose heroismus .Wën te Liipe echt is, tuut te opfer net wee: te liipe fon en leerer fer sayn xiiler tuut kuut was mee is wii ploos en flicht: is en misioon.

"Wën mer yemant kuut uf nëme, wayse mer ti frayt fon tëm witer trefe ore te aanfank fon en nay froyntxaft. Ticht paysamer sin macht ti seele kuute momënte erleepe mit persoone woo in tee tsayt in tayn leewe tayl hale.

Ti xuul mus mer rexpekteere, wayl ti is unser tswet haus! Nimant khomt fërtich uf ti welt, mus mer sich aanxtrënge un noo foran kuke fer te susës trëfe im leewe.
Lërne is en recht un en flicht fon te xutënte, wayl ti xuul tuut ale oportuniteete aan piite tas mer hiin khomt woo mer wil un sin khan was mer wil.
Ti xuul is ploos te eyerste xrit fon en lang trep woo uns pis an te susës fiire wërt. Piltung is en importante xrit fer en pesere futur un wërt uns xpiire mache ti sensasioon fon erfilung wën mer ti fruchte fon unser aarwat ërnte khan am ën fon unsere weech.
Xeene kruus aus Thee Walt.


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 



Comentários

Participe! Aqui sua opinião vale muito.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2021 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade