Esta versão está descontinuada.

Acesse novo site do portal Brasil Alemanha:

https://www.brasilalemanha.com.br

Colunistas

31/05/2018

26ª Tialekt Sympoosium vom Boser Gruppe

Te krupe waar kekrint kep im yoerkang 2000 iwer en Symposium fon te Plat Xprooch woo ti Saarlëntix Runtfunk orkanisiert hat. Unich tëne krinter waar te Professor un Autor fon mee wii 20 picher in Plat, Georg Fox - mayne froynt, un teyer wërt aych erinere tas ich xon eftas hier in tëm prokram fon tëm kexproch hon.


Tee krupe umfast literaarixe un musikalixe fikuure aus Lothringen un Elsass in Frankraych, soo wii aus Saarland und Rheinlad-Pfalz - te Hunsrück in Taytxland. Un yets, tan, tsum eyerxte mool, halt yemant aus Amëërika mit, mit mayn tayl nëme als koortinatoriin fom Projekt Hunsrik-Plat Taytx un xraywer un iwersetser fon meere picher, poesiie un thekste.

Weyer tee Sympoosium xon yoore lang orkaniseyert is Dra. Martina Scheer, xëf fom Turismus Büro fom Kreis Skt.Wendel-Saar, un ti jornalist un ratialist Suzanne Wachs, fom Saarlandischer Rundfunk, was ti haupst firma fon Raatio, Tsaytunge un TV fer te xtaat Saarland is un heleft ti trefung unerxtitse. Suzanne hat prokrame in unsere taytx im Raatio un TV.

Yeetes yoer tuun ti tswaay profisionaale persoone woo mit unser xprooch xafe aus suuche un inlaate fer uf tee important trefung mit hale.
Tas halt neekst en kans wooch aan: tas yoer is tas fom 01 pis 06 maay paseyert un 3 pekhante singer waare inkelaat = 1 fom Saarland-Taytxlant, 1 fom Elssas-FR un 1 fon Lothring-FR un ich, fon Siit Amëërika.

Martina un Suzanne tuun selepst uns tii kanse taache fiire un an ale erleepnise mit hale. Tas is was kans interesantes, wayl tas tsiit en xtarek ferpintung unich uns un mit te anere woo xon tefoer mit kehal hon, imer persoone woo sich xtram khimere un xafe mit unser xprooch.

Unser ufkaape waar fiil mitsamer fertseele in Plat, uns ales aan kuuke un too triwer xpreche un xraywe, fer naye thekste, poesiies ore liiter tsiie. Am fraytach ooment hon se uns pis an ti Raatio Xtatsioon in Saarbrücken hiin kefaar un meyer hon “ao vivo” 2 xtun mit kehal in en prokram woo Suzanne imer macht.
Fer samstachs ooments, muste meyer selepst en prokram fon 2 xtun orkaniseere, mit Suzanne sayne hilef un tee is aach “ao vivo” kesëntet kep un krawiert kep fer en TV prokram. Tas waar xpanent!!!

Ich wil noch ayer acht aan ruufe ekstra fer ti importans woo ti kroos firma Saarlëntix Runtfunk fon raatio, tsaytung un TV kept fer unser xprooch, mit fiile prokrame un interwiews un noch anere trefunge woo tii selepst promoweyert, was hier pay uns noch fiil se mache is. Es eensichste woo mer hier tseele khan sin raatio prokrame fon kleene rekionaale raatio xtatsioone woo fersuuche unser xprooch leewent hale un tii paseere im RS, SC un PR.

Xeene kruus aus Thee Walt.

*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 



Comentários

deslogado
kimimaru 02/06/2018, às 04:59

very interesting information, I really like it because it can add insight for me more broadly, thank you very much for this extraordinary information cara mengatasi sindrom dispepsia secara alami dengan obat herbal, Susah Buang Air Besar ? Ketahuilah 9 Makanan Alami Ini Bisa Melancarkan BAB


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2021 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade