TE ATWËNT IS KHOM! – von Solange Hamester Jochann

 

Solange Hamester Johann
 

UNSRIK 1008 Haloo, hier is Solange Hamester Johann, fom Proyëkt Hunsrik.

Mëyer sin aarich froo këp mit en thëkst woo Phaater Mário Glaab, fon União da Vitória/PR, uns kexikt hot, in Hunsrik kexrip: TE ATWËNT IS KHOM! Noch mool is en Atwënt aan khom. Noch mool tuun ti lichter in unsere hërtser sich erneere. Ti khëriche, ti hayser, ti kaate un ti xtët tuun sich mit lichter pelaychte. Ti kanse lichter woo mer soo siin khan, tuun awer nët ti lichter supstituiire woo in unsere khiner sayn hërtse sin, in te waywer un in te mëner sayn hërtse, woo an ti kroos xenhayt klaawe tas Kot tsu te mënxe khomt, in tëm khint fikuur: tas Khint fon Nasaree.

Ti taache sin aarich lang un fol hofnunge. Ti familye keen uf ti xtroose. Ti layt laafe soo oone soriche too rom, ploos fer se laafe. Ti khiner hupse un singe; ales tuut sich in frayt peklayte. Es is en knaate tsayt. Te Hërkot is unich uns. Wën aach ti kexëfter tas ales soo ekstra eksploreere, khëne awer ti Frayt un ti Hofnung, woo wayter wii te konsumismus keet, nët ferxtëkle. Wii fiil trëfunge, wii fiil kriise un wii fiil umaarmunge? Kraat too tuun ti xpanunge sich renoweere. Too tuut tas leewe sich nay mache. Khëtse am plinke, lichter am prëne; funkle hërtser tuun sich erlaychtere un hate hërtser wëre waaych. Wii fiil kleene kexënkcher wëre aus keteelt, wii fiil layt wëre erinërt?

Aach fiile ferxtorpne khome in ti ketanke, un kriin pliimcher uf iire kreewer keleet. Tas is es leewe woo im Liipe sich wayter macht wii te toot – is te Lepëntiche Kot pay sayn froynte.

Atwënt, tsayt tsum waate um naye manifestatsioone fon tëm Rëter. Te Rëter tsaycht sich in tëm lëchele, in te teelunge tswichich te aarme layt, in te kexënker woo ferteelt wëre, in te kesichter fon te priiter un fon te xwëstre, hauptseechlich in tëm leewe woo keteelt wërt. Ti liiter, ti ritme fon te liiter woo ti Waynachte xon aan tsayche, es is khee tswayfel mee: te Hër

*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI und Kolumnistin bei www.brasilalemanha.com.br. E-Mail: equiphunsrik@gmail.com.

 

 

 

          

Deixe um comentário

O seu endereço de e-mail não será publicado. Campos obrigatórios são marcados com *