Ti Kriatsioon kultiweere un xoone - von Solange Hamester Jochann*

Tsayt kans kleen uf, hot mayn mama uns imer kelërnt ti natuer liipe un rexpekteere. Yeete soomche, yeete plënsye, yeete tierche uf pase hon meyer imer kesiin ti mama mache.

Wayste, ti echte kholoniste, woo ales was fom lant ore fon te eyert khomt liipe tuun¿¿¿
Sii hot sich kefrayt wii se ti eyerxte xteke poone keërnt hot fer salaat se mache fer unser khërep fest, wayl se xon ekstra frier ti khërner keplanst hat tefoer. Tii is froo kep mit em keruch fon te sup im haus mit te eyerxte katofelcher woo se keërnt hot un hot ti frayt imer mit uns ketaylt.

Soo wii en tunkel wolek am himel waar, hot se ti kuriye kexikt fix wërem kraawe un, noo em reen, sin mer imer an ti pach fixe kang. Ooments, hot se ti fixyer keproot un fer ti siwe khiner fertaylt.

Fiil peem planse, ti fruchte fom walt lërne ese un ti naame fon ale sorte peem un fer was yeete sort hols tiint un noch fiile anere khëntnise iwer ti feel un aner fii, tas ales khan ich saan tas ich mich kliklich fine tas ich tas wees, wayl ti mama uns tas ales inkelërnt hot un ich erkhëne tas als kaystliche khëntnise.

Te theema fon te Fraterniteet Kampagne “Prasilianixe Bioomas un ti xitsung fom Leewe” un te slookan "Ti Kriatsioon kultiweere un xoone", is kexrip im Genesis 2,15, un hot mich ti erinerunge fon mayn khiner tsayte keprung un fon te yoore woo ich leerin sin, wën mer mus ti mënxliche weyerte fer ti khiner wayter lërne.
Tas is en inlaatung fer pekuke, pewunere, tanke un ti tiwersiteet fon te natuer rexpekteere, woo sich in te ferxiitne Bioome fom Brasil manifesteyert - en echtes kexënk fon Hërkot - torich ti promoweerung fom rexpekt mit em leewe un ti kultur fon te mënxe woo uf tee plets woone".

Kenau tas is een fon te kreeste forterunge in ale plets fon te Eyert, wayl ti Umwelt ferxlechterung khomt imer torich sosiaale unkerechtichkheete.
Te opjektiif fon te kampagne is ti konsiëns animeere un ferkreesere fer ti klopaale forterung woo ti kans mënxheet hayt torich keet un ferlangt tas yeete person un yeete lokaale kemaynte uf pase helfe mus unsre Haymat - te Planet Eyert.

Te Hërkot waar iwer kuut mit te natuer raychtum fer te Brasil. Hot tëm en kroose numer Bioome kep, woo uns ekstra xeenheet kept. Rexpekt un soriche fer ti Umwelt is aylich. Net ploos fer ti ekoloojike propleeme, awer ti motiife ferxteen un, foer alem, ti meechlichkheete truf hiin wayse tas mer triwer wech khome khëne.

Tesweche, is es nootwenich khëne un lërne fon te mënxe woo mit te Natuer um keen. Soo khëne meyer en motel fine woo uns alternatiife pringe khan fer ti natierliche resource wayter ferprauche un toch ti tikniteet fon te mënxe karanteere.

Soo wii mer fon tee situatsioon se wise kriit, fon akresioon fer ti Natuer, fer Hërkots kriatsioon, khëne meyer net ruich playwe un mache wii wën mer niks tefun wist.

Xeene kruus aus Thee Walt. 


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 

 

healthcarepublic 04/03/2017, às 03:43

In this article, we provide all information of health care public like as high blood pressure information, HBP symptoms and other diseases information you visit this site and read all information about your health thanks for sharing this article and reading by you healthcarepublic

live cricket streaming on hotstar 04/03/2017, às 02:34

Watch live cricket streaming online & enjoy live cricket scores on Hotstar. Catch your favorite live cricket match updates & streaming now on the official streaming . live cricket streaming on hotstar

Nome:
Email:
Comentar:
Verificação: