Esta versão está descontinuada.

Acesse novo site do portal Brasil Alemanha:

https://www.brasilalemanha.com.br

Colunistas

05/01/2017

Proyekt Hunsrik: Palans fon te Aktiwitete fon 2016 - von Solange Hamester Johann*

Haloo, hier is Solange Hamester Johann, fom Proyekt Hunsrik. 2
PALANS FON TE AKTIWITEETE FON 2016: 3
1)Yanuar: Iwersetsung fon 110 ketichte ore poesiis fer te “Wladimir Wisotsky 4 Museum”, fon te xtat Koszalin, in Phoolen, in en proyekt fer iwersetsung fon tëm 5 famoose komponier un singer in en internatsionaal poetik proyekt; 6
2)Feepruer: 7
2.a)Orkanisatsioon un iwersëtsung fom Kartofle Resepte Puch, mit 96 resepte, in 8 partnerxaft mit Emater un unser Prefektuer; 9
2.b)Seminaar fer leerine in te xtat Estância Velha, un insetsung fon te unterichte 10 fon unser xprooch in 7 xuule. Fer 2017 sol unser xprooch in te 11 xuule inkesetst 11 kewe fer 1.750 khiner. 12
3) Mërts: Korijiirung un orkanisatsioon fom puch “Mayn Liipste Kexichtcher”, 13 mit te partnerxaft fon 12 leerine fon Santa Maria do Herval; 14
4) April: Am ën mërts un aanfang april2016 hate meyer te importante 15 “FESTIVAL MIR REDDE PLATT”, in Sarreguemines-FR, woo meyer –te 16 Proyekt Hunsrik un teyer- ti neekst 3 milioone prasiliaaner woo unser xeen 17 Hunsrik/Plat Taytx xprooch xpreche, te haupt theema waare fon tëm festiwaal. 18 Meyer hate foerxtelunge in 5 ferxiitne xtet, in Frankraych un Taytxlant in Kultural 19 Centre, Xuule un Uniwersiteete, enterwiews mit raatios, TVs un tsaytunge, woo 20 layt fon aler niiwels mit kehal hon, wii leerer woo xuul hale fon unser xprooch, 21 xtutënte woo Master aarwate un Tokter aarwate am fërtich pringe sin, un sokaar 22 autoriteete fon uniwersiteete un rechiirungs orkaane, woo ekstra uns aan heere 23 khom sin. 24
* Aach noch fer tee festiwaal, hon meyer ti Deise Wickert mit kenom, fer iwich 25 sayne proyekt mit te kholoniste fraae krupe woo se xaft aach in unser xprooch un 26 te Iteno Gressler da Silva, woo iweral aach foerxtelunge kemach hot iwich te 27 “Memorial fon te Xermaanix Arkitektur”, ti makëte woo tee uf paut, woo 28 histoorixe tokumente fon unser taytx inwanerung sin. 29
* Tort hon mer aach tas puch “Mayn Liipste Kexichter” aus kep in te Puch Mese 30 ore Feira do Livro, woo xon 18 yoer paseyert, ploos fer autoore woo in unser 31 xprooch xraywe; 32
5)Maay: Orkanisatsioon fom “Kulturaal Stand” uf em Kartofle Fest, mit te 33 ausxtelung fon te xuuler khiner sayn aarwate in unser xprooch un fiile anere 34 theemas woo unser xeen xermaanix kultur umfast; 35
6)Yuuni: 36
6.a)Te munisip Estância Velha aproweyert ti kesets fer unser Hunsrik/Plat Taytx 37 xprooch insetse in te xuule, fer imer inkehal kept; 38
6.b)Xlus fon te iwersetsung fom Puch Johann – fon te Piipel, im iwersetsung 39 proyekt woo ti SBB – te kreeste Piipel ferayn fon te welt, uns unerxtitst; 40
7)Yuuli: 41
7.a)Te Proyekt Hunsrik hat mit kehal, in en important partnerxaft mit em Sintikat 42 fon te Rural Aarwater un Emater, uf em kroos “Kholoniste Fest” woo umkefeyer 43 1.000 persoone mitach kes hon, un neekst 100% noch taytx xpreche. Meyer hon te 44 Kotes Tiinst neekst kans in unser xprooch kehal, was mer xon fer phaar yoore imer 45 mache un ti layt tuun tas aarich kërn mit hale. 46
7.b)Too hon mer aach en foerxtelung kemach, in unser xprooch, iwich ti 100 yoer 47 kepoer fom Phaater Yoosef Scholl, woo en importante musisist waar, rejent fon 48 koraale un komponier. Hot sokaar en puch kemach fon saynt haupste 49 komponiirunge un waar “sensoor fon khëriche musik” fon te Mitra Porto Alegre. 50 En ausxtelung is uf keplip iwer te kanse taach fer pesuucht kewe; 51
8)Akust: 52
8.a)Puch Mese in Santa Maria do Herval, wën tan tas puch “Mayn Liipste 53 Kexichter” hier im Brasil aus kep kang is un fertaylt fer ti xuule un Piplioteks. 54
8.b)Am 15akust, is hier im Thee Walt aan khom, torich unerxtitsung fom Goethe 55 Institut un mit te partnerxaft fom Proyekt Hunsrik, te taytxe xermanist Ilhami 56 Peker, woo khom is fer 75 taache hier forxunge mache iwich ti xermaanixe 57 nookhomer, was se hier fërtich keprung hon un wii tii am leewe sin hayt tsuu 58 taach; too triwer hot eyer en foerxtelung kemach uf te Feira do Livro fon P.Alegre; 59
9)Septëmper:Seminaar fon 2 taache in São Leopoldo, woo ti SBB ekstra fer uns 60 un fer te Pomeraner Proyekt kepleent hot, fer iipung in naye komputer prokrame 61 fer xneler un peser ti piipel iwersetse, in en proyekt woo xon neekst 5 yoer halt un 62 sol noch kans lang wayter hale, fer te Naye Testamënt iwersetse; 63
10)Oktoower: 8 xtune Seminaar fer ti leerine fon Estância Velha, fer te prokram 64 fer yeete xuul klase mit tëne prepareere fer ti neekste yoore; 65
11)Noofëmper: In yeete woch fom kanse yoer 2016, hon mer aach 52 66 iwersetsunge fom ewankeelium kemach un krawiert, ti 52 AHAI prokrame un ti 52 67 tsaytung sayte im “Jornal O Diário”, woo fer 11 munisipe ausketaylt kept. 68
12)Teetsëmper: Im letste moonat fom yoer, hon mer flot kexaft fer te “Monumënt 69 fer te Inwanerer” fërtich pleene mit unser prefekt un uf xteele. Ti pronzene plake, 70 in portukeesix un in Hunsrik/Plat Taytx hon mer prepareyert un aach en important 71 ferpintung mit te xtat Buch, im Hunsrück-Taytxlant, fon woo unser eyerxte 72 inwanerer heyer sin un, tesweche, hayst unser elst pikaat Bucherberg. Noo te 73 inwayung seremonii, hon mer khuuche, worxt un kartofle khichelcher kes un 74 chopp ketrunk mit autoriteete un umkefeyer 100 persoone woo inkelaat kep waare. 75
Xeene kruus aus Thee Walt. 76


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com  



Comentários

deslogado
jamesgherrera 07/01/2017, às 07:14

Writing is not a language but a form of technology. Within a language system, writing relies on many of the same structures as speech, such as vocabulary, grammar and semantics, with the added dependency of a system of signs or symbols. Refer http://essaysorigin.com/ to get reviews.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2021 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade