Colunistas

30/12/2015

Palans fon unser importante Partnerxafte - von Solange Hamester Johann*

Imer wën en yoer ans ën khomt, khome in unser ketanke al ti layt un partnerxafte woo uns keholef hon pis too hiin khome:

1. Prefeitura Municipal de Santa Maria d Herval, em 10 yeerich partnerxaft woo uns haus un ale materiaale aanpiit fer unser aarwat, un soo uns ti xans këpt tas mer eksisteere khëne;

2. Secretaria de Educação fon Herval, woo xon tsayt 2006 uns imer oportuniteet këpt fer mit hale uf te Feiras do Livro yeetes yoer, aach in te xuuler klase mit te “Hora do Conto”, Seminaare fer Leerer un, tsayt 2011 sin mer xuul am hale in 3 xuule fom munisip, was uns pekhant kemach hot sokaar in auslant;

3. Tsayt 2007, xon 8 yoer hëyer, hom mer en important partnerxaft mit te Sociedade Bíblica do Brasil, fer weem te Proyëkt Hunsrik te Naye Tëstament fon te Piipel am iwersëtse is. Hon aach xon kleene kexichtcher fer khiner iwersëtst, fon woo tas xeen puch “Piiplixe Awentuure” puplitsëyert këp is in 2013; te film “Yeesus” iwersëtst un tas kleen puch “Mayn Liip Piipëlche”, woo palt fer ti xuuler khiner aus keteelt këwe sol;

4. Am lëtste noofëemper, hon mer 5 yoer partnerxaft kefayert mit unser froynt Jornalist Sílvio Aloísio Rockenbach, AHAI Prokram un Site Neues BrasilAlemanha, woo uns aarich fiil hëleft iweral pekhant këwe un uns xweere krëtit leent, was mer fiil tanke mise;

5. Yëts, in tëm neekste yanuar moonat, tuun mer 2 yoer partnerxfat fayre mit te tsaytung “O Diário da Encosta da Serra”, fon Ivoti, fer weem mer yeete woch en tswaay xproochich sayte prepareere, un tii tuun tas puplitseere tas ti leeser fon 11 munisipe fon te rechioon soo langsam sich an te xrift traan keweene khëne;

6. Fiile anere partnerxafte woo uns keleechenhayt këp hon fer 6 picher puplitseere, mee wii 30 Feiras do Livro mit mache, foerxtëlunge, reese no anere xtaate fom Brasil un anere natsioone fer unser Proyëkt presentere.

Tas ales un fiil mee, mise mëyer fiil mools TANKE un winxe tas mer soo importante layt wayter in unser leewe pehale khëne, tas te Proyëkt Hunsrik sich soo wayter munter hale khan mit em hilef fon tëne importante layt un mitaarwater.

Hërtsliche tanke xeen, mit wunxe fon fiil kesuntheet, fiil aarwat, fiile susës un kliklichkheet.
Xeene kruus aus Thee Walt.

*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI und Kolumnistin bei www.brasilalemanha.com.br. E-Mail: equipehunsrik@gmail.com 



Comentários

Participe! Aqui sua opinião vale muito.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade