Colunistas

28/09/2016

Important Pesuuch von North Amëërika - von Solange Hamester Johann

Tii woch hate meyer, fom Proyekt Hunsrik, en important pesuuch kriit fon North Amëërika. Tas waare meyer xon am waate, am hofe, tsayt 2007, wii Dra. Úrsula Wiesemann imer fer uns, Mabel un ich, imer kesaat hot:

“Eene taach tuut teyer te film YEESUS iwersëtse un sinkroniseere ore dublar.”
taach tuut teyer te film YEESUS iwersëtse un sinkroniseere ore dublar.”
Soo, Hër Edgar Rodriguez, representant fon te SEED CO. waar heyer in te
Thee Walt khom, tirekt fon USA noo Porto Alegre un tan pis pay uns, fer
uns in iipe tas meyer ti layt in iipe khëne fer ti xtime mache fer te film in
Hunsrik – Unser Taytx sinkroniseere.

Meyer hon ti tekste fom film xon iwwersetst, en krupe fon katoolixe
phaatre un ewankeelixe farer hon tee xon korijiert un yets kewe meyer en
xrit wayter fer tas fërtich pringe.

Hër Elismar Wilwock, kepoer im Espírito Santo un woo xon phaar yoore in
te SBB xaft, in São Paulo, is mit khom wayl tee fertxteet kans kuut ales fon
komputers un sol uns aach hëlfe unser aarwat foran pringe.

Professor Dr. Vilson Scholz, konsultant fon te SBB, woo xon mit uns oft
xaft tsayt 2007 imer unser iwersetsunge am korijiire, waar tepay fer uns
koraaj kewe fer soo en kroos ufnëmung.

Meyer mise umkefeyer 35 persoone aus suuche fer ti xtime noo mache un
wën tas ales kemach is, mus mer 14 taache xafe ploos in te kraweerung.
Tee selwiche film is xon fer mee wii 400 xprooche iwersetst kep uf te kans
welt, un palt khëne mer en aach siin un heere in unser xprooch.

Meyer, fom Proyekt Hunsrik, fiile uns kans xtols fer soo en important
aarwat mache un fer unser hunsriker folek fom Brasil soo en xeen
keleechenheet aan piite khëne.

Xeene kruus aus Thee Walt.

*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 



Comentários

Participe! Aqui sua opinião vale muito.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia