Colunistas

22/05/2019

21. Maay: Taach fon te Profisionaale fon Xrift un Literatur - von Solange Hamester Johann*

Ludwig Wittgenstein saat: "Ti krënse fon unser xprooch sin ti krënse fon unser Uniwërs", wayl, weyer khëntnise hot, keet wayter.

Te Xrift ore Literatur profisional xtutiert theemas woo ti kexichte, ti struktur un ti funktsioons wayse fon een ore mee xprooche umfase, soo wii ti kultur, literature un ale khëntnise fon te foleke.

Tominiert aach ti kultiwiert form fon en xprooch, peste instrumënt fon te kultur, komunikatsioon un aus iipung fon te xtaats pirkerxaft ore cidadania.

Xrift un Literatur khurse pilte leerer aus fer xprooche un sayn literatur unterichte un kwalifitsiire se fer ti funktsioone fon xraywer, retakteur, rewisor, iwersetser, puch khomentator un literatur ajënte, unich anere profitsioone in te area.

Meyer, fom Proyekt Hunsrik, wole en kans ekstra homenaaj mache fer ti Professora Dra. Ursula Wiesemann, Postdoktorandin in Linkwistik un Postdoktorandin in Fonëtik, Doktorante priifer in tee areas an te Uniwersiteete Köln-in Taytxlant, Sourbonne-Paris, Lousanne-Schweiz, Washington-USA un Brasilia-DF.

Sii hot aach te xrift khoote fer ti Hunsrik-Plat Taytx xprooch fon Siit Amëërika ketsoo, fer ti Pomeraaner, fer ti Kaingangues un mee wii 130 anere foleke fom Planet, ekstra in Siit Amëërika un Afrika, soo wii Oost Europeyxe foleke.

Sii waar, iwer mee als 35 yoore, Konsultant fer ti UNESCO fer Linkwistik theemas fer te kanse planet, un aach etwa 35 yoore Tirektoorin fom SIL-Sociedade Internacional de Linguística im Brasil, un tesweche, erkhënt uf te kans welt als een fon te kreeste kapasiteete in sayn area, un woo meyer ti eere hate 5 yoore mit uns hier am woone un pay uns am leewe.

Mit wërter mache ich en welt!

Mit wërter leewe ich ti welt!

Mit wërter leewe ich tas leewe fon en welt fol leewente wërter!

Fer al tii woo, wii meyer, fon te xprooch ore literatur en mitel mache fer ti welt ferpesere, hërtsliche Klik Wunx!!!

Xeene kruus aus Thee Walt.


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 
Audio dieses Kommentars –AHAI bl 04



Comentários

Participe! Aqui sua opinião vale muito.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade