Colunistas

28/03/2019

2. April – Internacionale Khiners Puch Taach - von Solange Hamester Jochan*

Tee taach kept yeetes yoer am 2*april kefayert im sin fer ti importans fon tëm literarixe jenre tsayche, fer ti auspiltung fon naye leeser fortere un sensipiliseere un wert kefayert tsayt 1967.

Nimant is als leeser kepoer waar. Tesweche, mus ti forterung fon te leese kewoonheet xon in te eyerxte yoore fon te khiner aanfange, un ti khiner literatur is tas toer fer tas se mache.

Khiner literatur is aach en kreftiche xtuutiums instrumënt, net noore uf em wisens niiwel, awer hauptseechlich fer moralixe un etixe weyerte te khiner in lërne.
Te 2. April is auskesuucht kep weche em keportstaach fom xraywer Hans Christian Andersen, aus Deenmark.Tas waar te eyerxte xraywer woo ti alte faaple an te khiners puplikum aan kepast hot, un hot importante moralixe lektsioone tswixe ti liinye ketuun. Tsuu ti haupste picher fon tëm autor keheere: "Tas Eeklich Patche", "Tas Kleene Meer Meetche", "Em Kheenich Sayn Nay Tsaych" un anere fiile khorts kexichte ore contos.

Im Brasil fayre mer aach te Natsionale Khiner Puch Taach am 18.april un eere te kroose autor fon tëm jenre uf sayne kepoerstaach: Monteiro Lobato.
Ich mëne ich mist iwer khiner literatur xraywe un xpreche un iwer tee taach, wayl ich aach fer khiner un leerine xuul hale, soo wii als autorin, iwersetser un organisatorin fon meerere khiner picher torich em Proyekt Hunsrik - Plat Taytx, mit te partnerxaft fon te SBB – Soc.Bíblica do Brasil; aach fon te Editora Thintenfass, aus Taytxlant; un noch mit iwersetsunge fon khiner kexichte uf ti Hunsrik Xprooch, fon lokaale un rechionale firmas unerxtitst:
Unser picher sin:

1)Ilustrierte Tiksionar fer Khiner “Mayn Eyerte 100 Hunsrik Wërter” (2010);
2)Piipilixe Awentuure I (2012), mit 4 Ilustrierte kexichtcher;
3)Te Kleene Prins (2014);
4) Mayn Liipste Kexichtcher, mit 12 Ilustrierte kexichte fon te Uniwersal Literatur fer Khiner (2016);
5)Piipilixe Awentuure II font as yoer feepruer (2019);
un noch anere woo palt fërtich sin fer puplitseyert kewe.

Xeene kruus aus Thee Walt.


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 
Audio dieses Kommentars –AHAI bl 04



Comentários

Participe! Aqui sua opinião vale muito.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2020 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade