Colunistas

08/11/2018

05 noofëmper = Kultur Taach Is te taach fon te prasiliaanix kultur.- von Solange Hamester Johann

Mit te Federal Kesets fon 1970 is te Taach fon te Kultur en homenaaj fer te journalist, politiker, jurist un intelektuaal Rui Barbosa, am taach woo eyer kepoer waar, tee woo en importante xitser fon te sivil frayheete waar.

In 1907 hot eyer te Brasil representeyert uf te Internatsional Friite Konferëns in Haya-Holand, un is am ën fon sayn leewe als richter fer te International Friite Kericht keweelt kep.

Brasil is en Lant mit fiil kemixte rase un tesweche khan mer en pisye fon yeete folek woo inkewanert is hier rom siin.
Ti prasilianix kultur hot soo en kroos tiwersiteet, tas mer net an eene eensichste taach tefon xpreche khan. Unser kulturaal manifestatsioone fon Nort pis Siit un fom Oost pis West fayre, xtuteere un eere is important, un ekstra unsre kewoonheete fon te xermaanixe nookhomer, woo neekst 10% fon te inwooner sin fom Brasil.
Meyer wole te paytraach aan tsayche, ekstra im Siit fom Lant, fer ti kewoonheete fon te xermaanixe foleke, woo fiil keholef hon tas te Brasil soo en xtarek natsioon hayt tsu taach is.

Unser folek heleft mit xweyer aarwat, aler sorte intustrii, kexefter, musik, tans, literatur, feste, un fiil fiil mee!!!
Meyer kratuleere al tii woo ti kulturaale manifestatsioone pleene un paseere mache, tii woo te Brasil soo raych mache. Wën mer ach xwiirichkheete mit mache hier in unser lant, Brasil is awer eens fon te importanteste lëner uf te welt, wën mer fon ferxiitne kulture xpreche tuut.
Xeene kruus aus Thee Walt.


*Solange Hamester Johann ist die Leiterin vom Proyëkt Hunsrik in Thee Walt, Santa Maria do Herval, RS, Kommentatorin der Radiosendung AHAI – Die Deutsche Stunde der Gemeinden – Block 04 und Kolumnistin bei www.brasilalemanha.com.br. E-Mail: equipehunsrik@gmail.com 
Audio dieses Kommentars –AHAI bl 04



Comentários

Participe! Aqui sua opinião vale muito.


  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2018 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia