Colunistas

19/08/2012

matéria de: Solange Hamester Johann

Solange AHAI 939 - Text: Waser Miile in te friirixe Tsayte

Haloo, hier is Solange Hamester Johann, fom Proyëkt Hunsrik.

WASER MIILE IN TE FRIIRIXE TSAYTE

Yeete Yuuli fayre mer ti inwanerung fon unser xermaanixe foerkhomer.

Mer erinere imer tii kroos mii woo tii sich aan ketuun hon fer te tiife uer
walt in woonungs plëts transformeere, ti kroose plantaaj xtiker uf mache ,
un hayt siit mer ti xeene xtët, unser kuut leewe un unser hërts filt sich mit
tankpaarkheet.

Tëswëche, wil ich ëkstra iwich ti aarwat fon te waser miile ore meel miile,
ti eel miile, ti seech miile xprëche.

Was fer ausnaams aarwat waar tas en miil uf paue?

Hon mëyer xon mool ketënkt wëyer ti kroose miil xteen aus kexnitsëlt
hot?

Tas waar en aarwater, te xteen hauer ore “canteiro”, woo ploos mit xteen
kexaft hot. Un tee hot mëchtich fiil aarwat kehat, wayl iweraal in te taytxe
kholoniye, woo em pëchelche kelaaf is, sin miile uf kepaut këp. Ploos too
hier im Thee Walt, hon mer xon mee wii tseen miile aus kekluucht.

Yeete miil hot tray ore fier kroose runte xteen, as mós de moinho, woo
iwichnaner runt kelaaf sin, awer keechenaner. Eene is links rom kelaaf un
te anere is rëchts rom kelaaf. Un wayl tii sich soo langst naner kerip hon,
sin ti khëner fermaalt këp pis se meel këp waare.

Ich hon  ëkstra em forxung ore pesquisa, mit te xuul khiner fon te 6ª klas
fërtich keprung. Un tas këpt en nay puuch, woo ich ti kexichte fon te
mëyerxte fon tëne miile fertseele un pilter tepay mache, un ti khiner sin
sayn kroos ëltre aus froe kang fer kexichtcher fertseele iwich ti tsayte woo
tii in ti miil muxte rayte, ore mit em waan faare fer milye un anere khëner
maale lose, tas se proot pake khënte.

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade