Colunistas

05/07/2014

matéria de: Solange Hamester Johann

Proyëkt Hunsrik 1039

TAYTXE AYCHE PAAM UF SUBTROPIKAAL LANT

Te Leerer Martin Dreher xraypt, in te foerxtëlung fom puch “Contos
Dialetais do Pe. Rambo” tas te Ayche Paam ore Carvalho Alemão,woo
sayne tike xtam fol knoote un kleene knootcher hot, woo sich nët hiin un
hëyer piie tuut un tëm sayn wortsle rayche tsurik pis an en wayt
foerfaarung, sin tsayer fon troyichkheet ore fidelidade.
Tëm sayn wortsle hale soo lang tas tii, sokaar, naame këwe fer te mënx
woo nët sayn apxtamung ap saat un, soo, sayn kultuur wayter halt.
… in te xermaanixe kultuure fom Brasil hot Pe. Balduíno Rambo ti khaym
fom taytxe ayche paam kesiin.
Soo, in te fikuur fon te ayche khaym, wii Pe. Rambo un noch fiile anere,
siin mer in te xermaanixe nookhomer, noo 190 yoer fon te ëyerxte
inwanerunge en taytxe ayche paam uf subtropikaal lant.
Kraat soo wii te ayche paam fruchte këpt – un ti fruchte hon, in sich, tas
kanse leewe un ti ërepxaft fom ayche paam, is es unmeechlich tas ti frucht
aus aarte tuut; yeete soome fon tëm paam is kompromis foer was keërept
këp is.
Wën ti soome ach ferxtraut wëre iwer ti kans wëlt, hon awer toch sayn
wortsle tiif in sayn apxtamung.
Tëswëche, te eewiche ketanke tsurik an ti tausënte familye un kemaynte
woo ti wortsle un ti soome fon sayn ërepxaft eere iwer ti kanse yoore woo
mer too im Brasil sin un ëkstra im yoerkank woo mer ti kroos fayrung fon
unser xermaanix inwanerung fayre.

Xeene kruus aus Thee Walt.

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade