Colunistas

17/11/2014

matéria de: Solange Hamester Johann

HUNSRIK 1058

Ouça o áudio

Haloo, hier is Solange Hamester Johann, fom Proyëkt Hunsrik
TE KLEENE PRINS UF TE 60º PUCH MARKET FON PORTO ALEGRE
Am 11 noofëmper 2014 waare mëyer in Porto Alegre fer unser noy puch
“TE KLEENE PRINS” presenteere in en Foerxtëlung in te Eest Xtup fom
elekante kepau fom Santander Kultural, in unser haupst xtat.
Klaych tëm noo, hate mer en autokram xtun ore Sessão de Autógrafos an te
Praça da Alfândega, un kraat too triwer wolte mëyer mit aych fertseele.
Picher xraywe is en intërësant un important aktiwiteet.
Tee woo en puch xraypt tuut sich aanxtrënge fer ales xeen, kuut un richtich
mache, tas tas puch an sayn leeser aan khomt un tëne interesëyert.
Tee woo tas puch khaaft ore kexënkt kriit, tuut tas oft leese oone tënke
wëyer tas kexrip hot.
Awer, noch too tswixe, sin tii woo ti picher printe un tii woo se ferkhaafe.
Too tuut mer sich aach manich mool nët triwer iwerlëye. Sin fiile mënxe
woo too traan xafe, sich khimere mit te kultuur un ketanke mache fer ti
picher aus tayle.
Uf soo en kroos puch market ore feira wii in Porto Alegre pasëyert, ti
kreest fon Latiin Amëërika woo uf en ufne plats kehal wërt, un noch, een
fon te kreeste kulturaale fëste im siit Brasil, khan mer sich tas ales mool
pekuke un sich ferwunere wii kroos tas is un wii fiil mënxe too traan xafe,
wii fiil mënxe sich an picher intërëseere un too uf tëm eensichstes plats
xpatseere khome, leese khome, picher khaafe khome un sich mit froynte
trëfe khome. Too khan mer neekst nime keen soo fiil layt pekeechne sich
too tswixich te hite woo picher ferkhaafe, unich te plane ore fertëke woo
aach xous paseere, tiskusioone, en plats woo ti kultuur leewent is.
Ti ëyerxt Feira waar pasëyert im yoerkang 1955 un te thema waar “Wën tas
folek nët picher khaafe khomt, tuun mer ti picher tichter an tas folek
pringe”. Un yëts pasëyert tas xon 60 yoer oone feeler, un khan mer siin tas
tas sich in en kroose susës transformëyert hot.
Wii kuut tas ti layt sich an picher intereseere. Wii kuut tas soo fiil layt too
samer khome fer sich mit te kultuur trëfe.
Xeene kruus aus Thee Walt.

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade