Colunistas

26/10/2014

matéria de: Solange Hamester Johann

HUNSRIK 1055

THEAATER FOM HUNSRÜCK, IN UNSERE TAYTX


Haloo, hier is Solange Hamester Johann, fom Proyëkt Hunsrik.
THEAATER FOM HUNSRÜCK, IN UNSERE TAYTX
Ti woch is en importante theaater krup, “Pälzer Komödie", fon te xtat
Landstuhl, fom Hunsrück, in Taytxlant too hii in te rechioon aan khom un
presentëyert sich in Santa Maria do Herval, Picada Café, Igrejinha, Morro
Reuter, Ivoti, Nova Petrópolis, Teutônia, Linha Nova un Dois Irmãos.
Ti mache sayn foerxtëlunge in unser taytx xprooch, te Hunsrik-Platt, mit
tëm xpiil: KËLT XTINKT NËT, en khomëtii.
Was noch importanter is, is tas tii ëkstra tas theaater xtik kexrip hon fer
uns, tas mëyer ales xeen un kuut ferxteen khënte. Warom: wayl tas aach
tëne sayn moter xprooch is.
Was khëne mëyer noch too raus fine? Tas unser xprooch mëchtich
important is, wayl mëyer khëne uns ferxteen un komunikeere iwer tswaay
kontinënte, in phaar lëner: Taytxlant, Luxemburgo, tswaay xtaate fon
Frankraych un ti hëleft fon Bëlgium, in te siit rechioon woo Walônia
kenënt is.
Yeetes mool mëyer kriit mer se wise wii important unser Hunsrik ore Platt
xprooch is, tas in tëne fiile rechioone aach krupe am xafe sin fer unser
xprooch nët aus xtërwe lose, kraat soo wii te Proyëkt Hunsrik hier im
Brasil am mache is.
Hër Theo Pfleger, fon te xtat Relsberg, woo uns xon khënt un xon phaar
mool too im Brasil waar un woo imer ti prasiliaaner ap hoolt wën yëmant
noo Taytxlant faart, is wëyer tas meechlich kemach hot un is mit tëne
khom, tas se sich tehëm fiile in unser rechioon, woo soo eenlich is wii tëne
sayn plats un woo uns soo ticht aan tëne uns fiile macht.
Mëyer hofe tas mer kans xnël aach riwer khëne faare ore fliye, fer soo en
important pesuuch tsurik pëtsaale.
Xeene kruus aus Thee Walt.

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade