Colunistas

24/09/2014

matéria de: Solange Hamester Johann

HUNSRIK 1051

Haloo, hier is Solange Hamester Johann, fom Proyëkt Hunsrik.
Unser Moter Xprooch, ti xprooch fon unser hërts
Fon 24 pis 28 sëptëmper is te XII CAAL – Trëfung fon te Taytxe kemaynte
fon Latain Amëërika am paseere in Nova Petrópolis/RS.
Mëyer hon aach en foerxtëlung too kemach torich em Proyëkt Hunsrik,
iwich unser Moter Xprooch un hon important kefun aych aach was too
tefun presenteere:
“Ti xprooch is was ti komunikatsioon unich te mënxe macht. Wën mer ti
xprooch penutst, tuun mer prike paue tswixich yeete mënx un ferxiitne
kultuure. Is torich unser xprooch woo mer unser wëlt uf paue in unser
kehërn, ferxteen was uns am peseere is, tsiiye mer kultuur un itentiteete.
Ti raychtum fon te fiile un ferxiitne erleepnise fon te mënxlich ëksistëns
wërt aus kexproch un rejistrëyert mit te penutsung fon te xprooch, un tas
khan torich oraliteet ore torich xrift kemach wëre. Pis hayt is es meechlich
aan kuke un lërne mit te wëyerte, mit em leewe, mit em klaawe un
relichioone fon friirixe tsayte, wayl mer khonte picher iwersëtse, kultuure
interpreteere un uns too triwer hër mache torich unsere kulturaale referënse
un unser moter xprooch.
In en klopalisëyert wëlt, woo ti komunikatsioon in yeete momënt pasëyert
un ferpint ti waytëste ëke fom planët, wërt imer mee kexproch iwer te
theema fon te Xprooche un Itëntiteet, un erkhëne tas ti orikinaaliteet fon
yeete kultuur important is fer ti ëwolutsioon fon te mënxheet is esënsiaal
fer mitsamer leewe in solitariteet uf en planët woo yeete taach kleener wërt.
Is torich ti laychtichkkhayt fon te komunikatsioon, is torich ti
laychtichkhayt fom reese, un is tas rechionaale intekratsioon protsës, un
noch ti wëyertschätzung fon yeete mënx, sayne Sëlepst wëyert kefiil un
sayn itëntiteets konstruktsion woo tas sich manifestëyert.
Xeene Kruus aus Thee Walt

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia