Colunistas

21/09/2014

matéria de: Solange Hamester Johann

HUNSRIK 1050

Haloo, hier is Solange Hamester Johann, fom Proyëkt Hunsrik
YEESUS SAYN LEEWE – TE FILM
Te Proyëkt Hunsrik is soo aarich froo wayl ëtwas wunerliches ëntlichmool
am paseere is: Te film “YEESUS SAYN LEEWE” wërt fer ti Hunsrik
Xprooch iwersëtst un aach sinkronisëyert ore dublado.
Fon 2004 aan, heere mëyer xon too triwer xprëche, wii ti Dra. Úrsula
Wiesemann pay uns xafe khom is un te Proyëkt Hunsrik aankefang hot.
Sii saat imer fer uns: mëyer tuun ti xrift fer ayer xprooch mache un, en
taach, tuuy tëyer tee film sinkroniseere.
Soo fiile weeche, soo fiil woo xon in tëne lëtxte 10 yoer pasëyert is, un
imer hat mer tas im sin: en taach khome mëyer too hiin = te film iwersëtse
un sinkroniseere.
Tii woch, is tas ëntlichmool pextimt këp, torich SEED CO., fon Nort
Amëërika, woo mit tëm film sayn iwersëtsung xaft, Soc. Bíblica do Brasil
un Proyëkt Hunsrik. In phaar moonat sol tas fërtich këwe un xon an
puplikum khome.
Te Film “YEESUS SAYN LEEWE” is xon fer mee wii sëchtsich (60)
xprooche iwersëtst këp. Un mëyer, fom Proyëkt Hunsrik, xtolseere uns fiil
tas mëyer soo was importantes fer unser folek mache khëne.
Mëyer ferlange fer aych, liiwe heerer, tas tëyer uns hëlfe peete tuut tas ales
richtich ap laaft, tas mer klaych fer aych un ayer kemaynte soo was kuutes
presenteere khëne.
Xeene kruus aus Thee Walt.

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade