Colunistas

21/08/2014

matéria de: Solange Hamester Johann

HUNSRIK 1046

Haloo, hier is Solange Hamester Johann. fom Proyëkt Hunsrik.
22 AKUST – FOLKLOOR TAACH
Tsayt 1965 wërt am 22 akust te FOLKLOOR TAACH im Brasil kefayërt.
Folkloor is ti kultuur fon en folek, ti samlung fon te kulturaale tratitsioone, fom khëntnis, klaawe, kewoonheete, tanse, kesang un kexichte fom folek fon en natsioon, woo fon een xeneratsioon tsum aner wayter kelërnt wërt.
Tas wort FOLKLOOR, fon te ënglix xprooch, petayt:                                      FOLK = Folek                                                                                                 Loore  = Khëntnise
Soo, fiiles woo in te familye un kemaynte wayter kelërnt wërt fer ti nookhomer hon en folkloorix apxtamung, wii musike, kexichte un sayn persoone, xpileraye, metikamënte un thee woo mer tehëm lërnt un mache  wëre, tsaych un klaytung, khunst ore arte un noch anere fiile kewoonheete.
Yeete rechioon hot sayn aychne kharakteer tsayche, sayn aart fer sin un leewe, woo uns tsaycht wii tas folek is, was se kërn mache un was se important fine.
Ti kanse khëntnise wëre wayter kelërnt torich te xprooch fon yeete folek. Tëswëche sin ti xprooche soo important. Wën een xprooch ferloer  keet uf te wëlt,wëre fiile khëntnise ferloer.
Es këpt 7.000 xprooche uf te wëlt, un ploos 2.300 hon xrift. Tësweche is tas soo important xrifte mache fer ti xprooche woo noch khee hon.  
Mëyer, nookhomer fon te xermaanixe inwanere, khëne tas ales kans kuut, wayl tas ales is was uns soo anerxter macht un fiil pekhant unich em prasiliaanix folek.  
Xeene kruus aus Thee Walt.

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia