Colunistas

09/08/2014

matéria de: Solange Hamester Johann

HUNSRIK 1044 - Faters taach

Faters taach is te taach woo mer tas Fater fikuur eere tuut. Tee taach khomt fon te
Babilônia, woo, xon foer 4.000 yoer, en yung woo Elmesu keheest hot, te ëyerxte
kharte ore cartão kemach hot mit lët un keprënt. Hot klik, kesuntheet un en lang
leewe kewinxt fer sayne papa. Too hot tas sich in en natsional fëst transformëyert.
In 1972, hot te prësitënt fon Nort Amëërika te “Faters Taach”ore Father’s Day
ofitsialisëyert, un tort wërt tas am trite suntach in yuuni kefayert. In Portugal, wërt te
taach kefayert am 19 mërts, Hayliche Yoosëfs Taach. Im Brasil, wërt te taach kefayert
am tswëte suntach in akust, tsayt 1953.
*Wii important is en fater? Sayn familye xitse… neere… liipe… ti richtiche
wëyerte tsayche… Tëswëche, wole mer
EN KEXËNK FER TE PAPA këwe:
“Mayne liipe Papa,
Eerlich, kerëcht, aarwater,
Mit en kreeser hërts wii sayn pruxt.
Ich këwe tich tsaatlichkheet,wayl ich liipe tich tsuu fiil.
Fon te kans wëlt, pixt tuu te pëxte PAPA!”
*Tanke xeen fer ales was tuu mich kelërnt hoxt,
Fer ti tausënte xtune woos tuu ketult mit mëyer kehat hoxt,
Fer ti hunërte un hunërte kleenichkheete woos tuu mich ketuun hoxt
pis ich kroos kewakst waar.
Un wii ich xon en aus kewakste mënx waar,
hoxt tuu tich wayter mit mëyer kekhimert,
pis ich mayn haus kepaut hat,
pis ich mayn khiner kriit hon,
un aach wën tii ëtwas mit krankheete se tuun hate…
Ich erinere mich noch kuut traan wii ich hëm khom sin mit mayn meetche, wii tas uf
ti wëlt khom is, tayn achtes ëngels khint fon fërtseen, un tayn aue waare fol waser,
kraat soo en kroos emotsioon wii am ëyerxte,wayls tuu fer es leewe imer en kroose
wëyert këp hoxt.
Tas Hërkot tayne un mayne Fater seechne tuut mit fiile kaape, hayt un fer imer,
hier un in te eewichkheet. Xeene kruus aus Thee Walt.

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia