Colunistas

27/03/2014

matéria de: Solange Hamester Johann

HUNSRIK 1025

Haloo, hier is Solange Hamester Johann, fom Proyëkt Hunsrik.
LUFT FERXMUTSUNG
Penutse ti keleechenheet wën mer iwer te “Wëlts Waser Taach”
iweraal am xprëche sin, fer iwich ti “Luft Ferxmutsung” uf em planët
aach xprëche.
An te lëtst woch hon se in te TV ketsaycht tas ti kowernëyer fon Paris
ti oomnipus, ti ayse paan un te metroo umsonst uf kemach hon tas ti
layt nët mit sayn khare aus faare solte, fer ti ferxmutsung weenicher
mache. Ti xtat waar fol tamp tas mer ti layt neekst nët siin khont uf te
xtroose.
In China un Korëya pasëyert es sëlwiche ore noch xlimer: ti layt keen
too rom mit maske foer naas un maul tas se nët krank wëre, soo xroo
is tas tort mit te ferxmutsung fon te faprike un khare.
Un yëts, hon ich en xtatistik kehëyert woo uns ti hoer hooch xtële: fon
yeete acht(8) persoone woo uf te wëlt xtërwe, eene fon tëne xtërept
wëche te luft ferxmutsung. Fiile layt hon xlime lunge krankheete un
anere wëche tëm motiif.
Ti OMS saat tas siwe(7) milioone persoone in 2012 tëswëche
kextorep sin uf te wëlt.
Hërkot noch mool!!!
Iweraal feelt waser...
Iweraal tuun ti foleke niks uf pase un ale plëtse ferxmutse...
Is palt tsayt tas mer lërne unser haus pëser uf pase!!!
Hërkot tuut tas uns leene ore fermiite iwer ti tsayt woo mëyer too
playwe... Mëyer mise tas in ortnung tsurik këwe fer te Hër!
Un noch: Was lose mëyer als ërepxaft fer unser nookhomer???
Wii fiil hunërte yoore wërt tee planët xon penutst pay unsere
foerkhomer? Un in was fer kontitsioone këwe mëyer tee wayter
fer unser khiner un ëngels khiner?
Xeene kruus aus Thee Walt.

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia