Colunistas

06/03/2014

matéria de: Solange Hamester Johann

Hunsrik 102

Haloo, hier is Solange Hamester Johann, fom Proyëkt Hunsrik.
10 YOER AARWAT IN 10 YOER PROYËKT HUNSRIK
Fiil aarwat, fiil xtuutium, fiil layt khëne lërne fon phaar kontinënte, fiil
“Feiras do Livro”, phaar picher un hunërte thëkste kexrip, en phaar layt
woo keeche xprëche, awer hunërte woo aarich froo këwe mit unser aarwat,
un tan noch ti piipel iwersëtsung un ti xuule prepareere un fer ti khiner
hale.
Partnerxafte mit fiile importante un xtarke entiteete, woo uns sicherhayt
këwe tas unser aarwat foran keen khan un woo aach uns ti emotsionaal un
kaystlich unerxtitsung këwe tas mer wise woo hiin te Proyëkt khome sol,
soo wii ti Xtaat Khamer RS ti Kesëts nº 14.061 kemach hot, torich uns
ferlangt, un unser kowernëyer unertsaychent hot in yuuly/2012,woo unser
Hunsrik Xprooch in Histoorix un Kultural Ërepxaft fer unser folek
transformëyert hot.
Mëyer tuun uns fiil aanxtrënge, ti Leerin Mabel Dewes un ich, tas mer
unser fiile sorte aarwate imer phinklich in tsayt ap këwe khëne.
Unser pleen fer tas yoer sin:
- Xuul hale, in te tray xuule, fer 15 klase;
- Tas puuch “Te Kleene Prins” puplitseere;
- Tas puuch Lukas fon te Piipel fërtich iwersëtse pis akust;
- Te film “Yeesus sayn Leewe” sinkroniseere(dublar) mit tëne thëkste;
- Soo fiil “Feiras do Livro” mit mache wii meechlich.
Am aanfang feepruer, hon mer noch mool te pesuuch fon te equipe fon
Domingos Martins/ES kriit. Yëts tuun se tort aach mit tswaay leerer xafe
un tuun fier xtun ti woch unterichte fer yeete klas in tray xuule. Te sëlwiche
leerer halt ti xprooch un kultur xuul, khunst ore artes un Educação Física,
ales in Hunsrik.
Mëyer hofe tas meere munisipe aach aanfange xuul se hale wii im Espírito
Santo, woo ti pomeraaner xon lang tsayt tas mache, un yëts aach ti
hunsriker, wii ti PCNs es xon aan saan un erlaupnis këwe tsayt 1996.

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade