Colunistas

08/01/2014

matéria de: Solange Hamester Johann

HUNSRIK 1014

HUNSRIK 1014
Haloo, hier is Solange Hamester Johann, fom Proyëkt Hunsrik.


10 YOER FOM PROYËKT HUNSRIK FAYRE Im neekste moonat, feepruer/2014, fayert te PROYËKT HUNSRIK sayn 10 YOER FON FIIL AARWAT UN REALISEERUNGE.
Mëyer wole unser frayt mit aych tayle, wayl, tort hine traan, feepruer/2004, hate mëyer khee aanung pis woo mëyer hiin kheemte.
Tan, hayt un in te neekste prokrame, wole mëyer mit unser liipe heerer iwich fiiles woo mer xon fërtich keprung hon, fertseele.
Mëyer sin xon kraat tray yoer mit aych am xprëche torich em AHAI PROKRAM, fon unser liipe froynt Sílvio Aloísio Rockenbach, woo uns aarich fiil keholef hot pekhant wëre in 4 xtaate fom Brasil, un, hauptseechlich, torich em Site Neuesbrasilalemanha, woo fer 400.000 persoone un entiteete fertaylt wërt.
Un tëswëche, mise mer fer te erkhënte jornalist Sílvio hërtsliche tanke këwe. Tee hot uns khëne kelërnt uf te “Feira do Livro fon Porto Alegre”, im yoerkang 2010, hot uns aan kehëyert un hot an uns keklaapt. Hot uns ti oportuniteet uf kemach fer yeete woch mit aych se xprëche un unser aarwat pekhant mache.
Tankpaarkheet ore gratidão, is te sentimënt woo mëyer hayt wole in tayn hënt ap këwe, unser hërtsliche froynt un froynt fon te xermaanixe foleke fom Brasil, wëche tayn “Wisioon fom Futur”, tayn koraaj, tayn kroos hërts, tayn konstans ore persistência.
Te kretit fon tayn aarwat, fon tayne Prokram un tayne Site hot fer te Proyëkt Hunsrik kretit wayter keleent, un tëswëche, wole mer unser aanerkhënung aan saan.
Tanke xeen, liipe froynt Sílvio, fer ti fruchtpaar partnerxaft woos tuu uns aan piite tuust. Fiile tsayche hon mer xon tsurik kriit woo pewayse tas ti aarwat woo mer mitsamer mache sayn opjektiife am in hoole sin.


Xeene kruus aus Thee Walt.

Download do arquivo de áudio

  • brasilalemanha
  • brasilalemanha
  • brasilalemanha
  • brasilalemanha
Logomarca oficial da imigração alemã no Brasil. Reprodução liberada e recomendada, para uso não comercial.
Para uso comercial e originais em alta resolução: contato@brasilalemanha.com.br.

© 2004-2019 BrasilAlemanha - O portal oficial da imigração alemã no Brasil - Todos os direitos reservados

Desenvolvido por Sapiência Tecnologia

Publicidade